1. எலுமிச்சம் பழத்தை எடுத்து இரண்டாக அரிந்து ஒரு மூடியை நெஞ்சுக் குழியில் வைத்து இரண்டு நிமிடம் கழித்து அதை எடுத்து இலேசாக அழுத்தி முகர்ந்து பார்க்க வேண்டும். எலுமிச்சம் பழத்தின் வாசனை அதில் இல்லை என்றால் மருந்து வைக்கப்பட்டிருக்கிறது என்று நிச்சயமாகச் சொல்ல முடியும்.
2. சுக்கு, வால்மிளகு, திப்பிலி இம்மூன்றையும் வகைக்கு இரண்டு இரண்டு தேக்கரண்டி எடுத்துக்கொண்டு நன்றாகத் தூள் செய்து, அதிலிருந்து கால் தேக்கரண்டி அளவு எடுத்து, வேறொரு எலுமிச்சம் பழத்தை இரண்டாக அறுத்து, ஒரு பகுதியில் திரிகடுகச் சூரணத்தைப் பரப்பிவிட்டு அதை அப்படியே வாயில் வைத்துச் சப்பி உமிழ்நீரை விழுங்க வேண்டும். மீதியுள்ள ஒரு மூடியைத் தலைக்குத் தேய்க்க வேண்டும். இவ்வாறு காலை மாலை என மூன்று நாட்கள் செய்ய வேண்டும். காலையில் மட்டும் ஒரு மூடியைத் தலைக்குத் தேய்த்து சீயக்காய் போட்டுக் குளிக்க வேண்டும். ஒரு வாரம் கழித்து கொட்டைப் பாக்களவு விளாம்பிசினைப் பாலில் போட்டு பனங்கற்கண்டு சேர்த்து இரவில் குடித்து வரவேண்டும்.மருந்தீடு நீங்கிவிடும்.
=======================================================
மருத்துவக் குறிப்புகளுக்கு
ஆதாரம்:-
(01). அடைப்புக் குறிக்குள் எண்கள் குறிப்பிடப்
பட்டுள்ள மருத்துவக் குறிப்புகள்
சித்தர் மருத்துவர் திரு.எஸ்.ஆறுமுகம் B.S.M.S. அவர்கள் தொகுத்து வெளியிட்டுள்ள ” 2025 எளிய சித்த மருத்துவக் குறிப்புகள்” என்னும் புத்தகத்திலிருந்து எடுக்கப் பெற்றவை !
(02.) அடைப்புக் குறிக்குள் (Harish) என்று தரப்பட்டுள்ள
மருத்துவக் குறிப்புகள், வேலூர் ஸ்ரீ சேஷா சாய் ஹெர்பல்ஸ், முதன்மை மருத்துவ அதிகாரி, டாக்டர். வெ.ஹரிஷ் அன்புச் செல்வன் M.D(s), அவர்கள் 2017 –ஆம் ஆண்டு தினமலர், பெண்கள் மலரில் எழுதிய கட்டுரைகளிலிருந்து . எடுக்கப் பெற்றவை !
(03). அடைப்புக் குறிக்குள் (Asan) ) என்று தரப்பட்டுள்ள
மருத்துவக் குறிப்புகள், நாகர்கோயில், S.மகாலிங்க ஆசான் அவர்கள் 2016 –ஆம் ஆண்டு இராணி இதழில் எழுதிய கட்டுரைகளிலிருந்து எடுக்கப்பெற்றவை.
சிறப்புக் குறிப்பு:
(02) மருந்துகளை சித்த மருத்துவரைக் கலந்து ஆய்வு செய்து
எடுத்துக் கொள்க !
==========================================================
ஆக்கம் + இடுகை
வை.வேதரெத்தினம்,
[vedarethinam70@gmail.com]
ஆட்சியர்,
தமிழ்ப் பண்டுவம்,
[தி.பி:2052,கடகம் (ஆடி )16]
{01-08-2021}
==========================================================
கருத்துகள் இல்லை:
கருத்துரையிடுக